O martes 20 de xaneiro tivemos unha visita moi especial no centro. Xaime Estévez presentou o seu libro “De novo Gaiteiro. Obra completa para gaita (1981-2025)”. Sempre ligado ao mundo da gaita, Xaime Estévez fixo un percorrido pola súa vida e polas agrupacións ás que estivo vencellado en cada unha das etapas da mesma. Os seus comenzos co instrumento no Centro cultural Abrente de Mos, a banda Raigames liderada por Henrique Otero, o seu paso polo conservatorio como profesor de gaita e a creación da Banda de Gaitas do Conservatorio de Vigo, os Novos Galiños de Belesar, o grupo Troula (Madrid) ou Os Terribles de Donas en Gondomar. Para cada unha destas etapas hai obras compostas por Xaime Estévez, a pesar de que el mesmo considérase máis profesor que compositor. O departamento de Música Tradicional, especialmente o alumnado e profesorado de gaita, quixo agasallar ao propio Xaime coa interpretación en directo de varias das súas obras. Íñigo Cabaleiro (gaita 3º GP) interpretou a Xota de Peinador (1986) e a totalidade do alumnado da especialidade pechou o acto coa interpretación da obra O Ar-de o Pazo (2022). Deixámosvos algunhas fotografías do acto e un par de ligazóns a publicacións na prensa.
