O acto de inauguración dos paneis do proxecto Versoamos – XELA na praia do Vao estivo cheo de emotividade. Participaron alumnado e profesorado dos tres centros educativos responsables do proxecto, a familia de Xela Arias, Xerardo Fernández Santomé, pandereteiras do CRACC e gaiteiros da Xistra de Coruxo. Asistiron ao acto a veciñanza das parroquias de Coruxo, Canido e San Miguel de Oia,representantes dos equipòs directivos dos tres centros, Isabel Valiño, coordinadora dos EDLG da provincia de Pontevedra, o inspector educativo, a concelleira Ana Martínez entre outros.
Durante todo un ano estarán eses paneis nos paseos do Vao e Canido, coas coplas e as músicas recollidas e as creacións musicais novas ás que se pode acceder mediante os QR insertos nos mesmos.
