A Banda Sénior do conservatorio realizará un concerto centrado en música galega. O director da banda, Iago Lariño, traballa na preparación dun programa constituído integramente por música do compositor Simón Couceiro. Incluiremos no evento información sobre a vida e obra deste compositor descoñecido para moitos pero indispensable cando falamos de música galega para banda. Contaremos coa súa presenza no acto, que servirá de homenaxe á súa figura e ao mesmo tempo, de inauguración dos actos conmemorativos da Semana das Letras Galegas.
